Plantun de Prouvènço

Pèr coumpara dos planto d'encò nostre

Trigonella sulcata & Pinguicula vulgaris

fotò
fotò
Melilot(-regueja)

Trigonella sulcata

Fabaceae Leguminosae

Noms en français : Mélilot à fruits sillonés, Mélilot silloné.

Descripcioun :
Aquest melilot, de 10 à 65 cm d'aut, a d'enflourejado proun sarrado. Se recounèis à si flour jauno que lis alo soun mai courto que la carèno e subretout à si fru regueja. Lis estipulo dóu mitan soun proun dentado. Es uno planto d'ermas que trachis proche de la mar e que se recounèis à si flour de 3 à 4 mm au contre de la meno proche Trigonella segetalis que li flour soun mai grando, de 4 mm (encaro mai pichoto èi Trigonella smallii).

Usanço :
Couneissèn pas d'usanço particuliero pèr aquelo planto. Ei bessai procho d'aquelo de Trigonella officinalis. Escriéure au site se n'en sabès mai.

Port : Erbo
Taio : 10 à 65 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Trigonella
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 4 à 5 mm
Flourido : Printèms

Sòu : Ca
Autour basso e auto : 0 à 800 m
Aparado : Noun
Remarco : Planto de coustiero
Mars à Jun

Liò : Ermas - Tepiero seco
Estànci : Termoumediterran à Mesoumediterran
Couroulougi : Estenoumediterrano
Ref. sc. : Trigonella sulcata (Desf.) Coulot & Rabaute, 2013 (= Melilotus sulcatus subsp. sulcatus (Desf.), 1799 )

fotò
fotò
Erbo-grasso

Pinguicula vulgaris

Lentibulariaceae

Noms en français : Grassette commune, Langue-d'oie.

Descripcioun :
L'erbo-grasso trachis en mountagno, sus cauquié, dins li riéusset e àutri relarg bagna. Es uno planto carnivoro que pòu aganta de bestiouno emé si fueio pegouso à bord envertouia. Se destrìo de si cousino, mens coumuno, que si flour soun plato emé uno taco blanco sus li petalo que li bord soun pas gaire net.

Usanço :
Li fueio soun couneigudo pèr caia lou la, parié qu'en Suèdo se n'en servien. S'adoubo un sirop purgatiéu que sèrt peréu pèr gari contro lis escarto de pèu. Aro s'atrobo en fitouterapìo pèr sougna lou tussi (espetouranto), li mau de garganto e apasima li nèrvi. S'adoubo en tisano, 20 g de fueio emé de mèu e de jus de limoun. Pamens la planto èi proutejido dins d'ùni relarg.

Port : Erbo
Taio : 4 à 18 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Pinguicula
Famiho : Lentibulariaceae


Ordre : Lamiales

Coulour de la flour : Vióuleto
Petalo : irreguliero
Ø (o loungour) flour : 15 à 25 mm
Flourido : Printèms - Estiéu

Sòu : Ca
Autour basso e auto : 400 à 2600 m
Aparado : Vo
Mai à juliet

Liò : Riéusset - Sourgènt - Tepiero umido - Roucas umide
Estànci : Mountagnard à Aupen
Couroulougi : Bourealo
Ref. sc. : Pinguicula vulgaris L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
ges
ges
ges
ges
ges
ges
CC
CC

Trigonella sulcata & Pinguicula vulgaris

RR
R
RR
C
R
RR
C
ges

Coumpara Melilot(-regueja) emé uno autro planto

fotò

Coumpara Erbo-grasso emé uno autro planto

fotò